Leiðbeiningar við umfelgun á völsuðum felgum

Þegar dekk er sett á felgu með völsuðum köntum er mikilvægt  að hafa eftirfarandi í huga:
Dekkið á helst ekki að fara upp á kantana með minni loftþrístingi en 1.0 bar (15 psi )
Mikilvægt er að ekki sé sett meira loft í dekkið en stimplað er á það. Fyrir 44 tommu Load -range C dekk er það oftast nálægt 30-40 psi.
Gæta verður þess að setja smurefni á sætið allan hringinn því allar eyður sem kunna að vera í smurefninu geta auðveldlega valdið því að dekkið fari ekki upp á kantinn.
Stundum verða einn eða tveir kantar erfiðir og smella ekki upp á í hámarks lofti þá þarf að taka loftið úr, ýta kantinum frá og athuga að hann sé allur smurður og reyna aftur.
Oft er betra að dekkið fari skakkt upp á kantinn. Því má stjórna með því að stinga endanum á 30mm þykkum tréklossa á milli á einum stað á hringnum og taka hann svo í burtu þegar dekkið er komið uppá á móti klossanum.
Ef það dugir ekki (Sem það gerir næstum alltaf) er líka hægt að setja dekkið bara undir bíl og keyra á því smá spotta á 5-6 pundum og pumpa svo aftur í. þá smellur það  uppá. Umfram allt þá má aldrei setja meira loft í dekkið en ástimplað er á hlið þess.

Það þarf ekki að líma dekk á valsaðar felgur. Þó við þekkjum enginn dæmi þess að dekk snúist eða affelgist á völsuðum felgum  þá er mönnum frjálst að líma líka. Best er að gera það með því að setja hárfínfína límrönd í kverkina á felgunni áður en dekkið er sett upp á hana. Síðan er dekkjafeitin sett á dekkið með tusku, þess gætt að lítið eða ekkert verði umfram og bara sett á lárétta flötinn en ekki á hliðina. Felgu kanturinn skefur svo feitina af dekkinu áður en það sest í límið.

Affelgun:

Venjulega er hægt að affelga kantvalsaðar felgur í vélum sem rúlla kantinn af án þess að dekkin skemmist Venjulegar klemmur ráða illa við þetta og er hættara við að skemma dekkin.
 

Hafðu samband ef þig vantar frekari upplýsingar í síma 564-2195.